కిమ్ బతికే ఉన్నారంటూ.. ఫొటో విడుదల

గత కొంత కాలంగా కనిపించకుండా పోయిన ఉత్తర కొరియా అధ్యక్షుడు కిమ్ జొంగ్ ఉన్ పై మరో మారు ప్రపంచ వ్యాప్తంగా చర్చ మొదలైంది. కిమ్ చనిపోయారని, ఇక కిమ్ బాధ్యతలు తన సోదరే చూసుకుంటోందని చర్చ సాగుతున్న తరుణంలో మరో మారు ఆ దేశం స్పందించింది.

తమ అధ్యక్షుడు బతికే ఉన్నాడంటూ.. ఓ ఫొటోను విడుదల చేసింది. అయితే గతంలో కూడా కిమ్ కనిపించకుండా పోయిన సమయంలో కిమ్ ఉన్నాడంటూ.. ఓ వీడియోను విడుదల చేశారు. తాజాగా విడుదల చేసిన ఫొటోలో కిమ్ ఓ చర్చలో పాల్గొన్నట్టుగా ఉంది. ఇది ఎంతవరకు నిజమనేది ప్రశ్నార్థకంగానే మిగిలిపోతోంది.